Les mots surlignés font l'objet d'une note
1Reçue à Crest, le 05 juin 1573. Répondue.
2Monsieur de Gordes, jay telle fiance en vous et en votre preud'homie et fidellité
3que je suis contant me reposer entièrement sur vous de la conduite de mes affaires
4de pardelà, et mesmement du maniment et dispensation des deniers que vous
5tirerez de cest impoz que vous avez mis sur le sel pour soldoier et entretenir
6les gens de guerre que vous avez esté contrainct mettre sus ; toutesfois, je
7serois très aise quilz feussent maniez par mes tresoriers de lextraordinaire
8des guerres ou par leur commis, affin den tenir et rendre compte comme
9il appartient. Vous me ferez scavoir comme vous en usez, vous priant faire
10le meilleur mesnage que vous pourrez. Vous avez bien et sagement faict de
11gratiffier ceulx du canton de Walay. Jay esté bien aise de veoir par les
12coppies des lettres que vous ont escriptes le sieur de St Romain et du Cheylar
13quilz aient si bonne volunté de se contenir en termes de bons et fidelles
14subgectz. Vous les y conforterez en tout ce que vous pourrez, leur faisant
15user de toutes courtoisies et favorables traictementz. Jattendz responce
16de mon frère le roy de Polloigne pour vous renforcer de quelques
17compaignies de gendarmerie, puis je feray pourveoir au paiement dicelles et à
18la vostre, laquelle je scay avoir fort bien et continuellement servi, ne
19pouvant revocquer les compaignies des sieurs de Suze et de Maugeron comme
20vous desiriez sans en ordonner dautres à mon cousin le marechal de
21Dampville, puis quelles servent près de luy. Je prie Dieu, monsieur
22de Gordes, vous avoir en sa sainte garde. Escript à Fontainebleau le
23dernier jour de may 1573.
24Charles
25de Neufville